The site's logoUsing this site agree to the cookies-info in legal notices in Footer.

Santuario SS. Crocifisso English > News > Memories > Le preghiere della Buona Notte

Grotteria Sanctuary

News

Read all news

Restorations

Read all articles

Photogallery

Logo of website section  Le preghiere della Buona Notte

Le preghiere della Buona Notte

Back

Eu mi curcu e mi addormentu e cu vu Spiritu Santu, Sant'Anna me Nanna...

Added the 30 May 2013 in Memories

Gesù mio sugnu o scuru
ca a lumera s'astutà,
e mi trovu sula sula
senza nujiu accumpagnata.

Eu mi curcu e m'addormentu
e cu vu Spiriti Santu,
a lu jiancu a cu mi mentu
e mi mentu a Gesu Cristu,
mi lu stringiu e mi lu bbrazzu
e cu vù mi pigghjiu spaziu.

Stanima mia
a cu ncià dassu arraccumandata,
tuttu u tempu da vita mia
viva Gesù viva Maria.

Cu Gesù mi curcu
e cu Gesù mi levu,
chiamu a Gesù
e paura non n'dajiu.

U Signuri me Patri
l’Angeli mi sunnu Frati
San Giocchinu me Pappù
i Zarafini mi sunnu Cugini
mo chi ndaiu st’amici fidili
mi fazzu la cruci
e mi mentu a dormiri.

Amen


Eu mi curcu e mi addormentu
e cu vu Spiritu Santu,
Sant’Anna me Nanna
a Madonna me Mamma
u Signuri pe Patri
l’Angeli mi sunnu Frati
San Giocchinu me Pappù
i Zarafini mi sunnu Cugini
mo chi ndaiu st’amici fidili
mi fazzu la cruci
e mi mentu a dormiri.


Animi meu morti,
accumpagnatimi stanotti,
nommu moru di mala morti,
comu mi dastivu sta bella iornata
datimi puru na bella nottata.
Amen


Eu mi curcu n'tà stu lettu,
a Madonna n'tà stu pettu,
eu dormu ed ija vighjia,
se c'è cosa mi rivijghjia,
rivighjiatimi a bunura,
senza stijantu e senza pagura.


Eu mi curcu e m'addormentu
e cu vu Spiritu Santu
e dunatimi talentu,

mi pighiu lu Crucifissu
mi lu pighiu e mi lu bbrazzu
e lu mettu a lu me capizzu
e cu Diiu mi pighiu spassu,

li chiova di li mani
li chicva di li pedi
la curuna di li spini,

di iu latu sbalancatu
chi se veni lu nimicu
ndavi ad esseri cacciati
doppu morti e seppellitu
Gesù Mio risiscitasti

e mi curcu e mi fazzu a cruci
Gesù Cristu mi chiama a nantra vuci
Gesù Cristu mi perduna stanotti
chi non fazzu na mala morti,

mi perduna domani matina
chi non fazzu na mala fini
Gesù Giuseppe e Maria
spiru in voi in pace l'anima mia.


Riproduzione vietata © 2013 www.sscrocifissogrotteria.it & Parrocchia Santa Maria Assunta Grotteria. Maggiori informazioni nelle NOTE LEGALI

 

of the SS. Crucifix

Prayers, Said...

Prayers, Said...

Detti:Mbasciati jiuncu ca a jiumara passa (Avere maggior flessibilitą in certe situazioni)Altro (F5)

Calendar

Template

User panel

Who is online

Favorites

Empty section

Comments

  • Good job go ahead

    by Joseph, 30 January 2013 in Web Site